Kulturbálkkašupmi
Sámedikki Kulturlávdegoddi mieđiha kulturbálkkašumiid giittosin sidjiide, geat leat nannen sámegiela ja kultuvrra ja ovddidan árbevirolaš ealáhusaid eallinfámu.
Sámedikki kulturlávdegoddi sáhttá mieđihit kulturbálkkašumi jahkásaččat stáhta bušeahtas juolluduvvon ng. sámi kulturmearreruđas, mii lea čujuhuvvon sámedáidaga ja -kultuvrra ovddideapmái.
Kulturbálkkašupmi mieđihuvvo ohcamuša haga ja dan ulbmilin lea bálkkašit kulturbargi dahje dáiddára ja giitit sin dehálaš barggus sápmelaš kultureallima ovdii.
Kulturlávdegoddi lea mieđihan jagiid 2023-1997 kulturbálkkašumiid ná.
2023 Duojár, Marja-Liisa Laiti, Anárjohka, Anár
2023 Doaimmaheaddji, giela ovddideaddji Anja Kaarret, Bárttet, Anár
2023 Duojár, Marja Näkkälä, Neahčil, Eanodat
2020 Musihkkár, Jaakko Gauriloff, Roavvenjárga
2019 Govvadáiddár, Antti Oula Juuso, Gárasavvon, Eanodat
2019 Inka Marja Hetta, Vuohčču, Soađegilli
2012 Neavttár, Erkki Hetta, Vuohčču, Soađegilli
2000 Govvadáiddár Merja Aletta Ranttila, Anár
2003 Anáraš kulturbargi, Vuoli Ilmar, Ilmari Mattus, Anár
2009 SomBy-musihkkajoavku, Vuohčču, Soađegilli
2009 Helena Valkeapää ja Anni-Marja Valkeapää, Eanodat
2006 Domna Tyyne Fofanoff
1997 Girječálli, Kirsti Paltto, Ohcejohka
