Sääʹm-musikk-kõõskõs

Sääʹmteeʹǧǧ vuâllsaž sääʹm-musikk-kõõskõõzz jurddjen lij tuärjjeed äʹrbbvuõđlaž sääʹm vokaalmusikkšlaaji (luohti, leuʹdd da livđe) seillmõõžž da õuddnummuž di tuärjjeed da viikkâd õõudâs modeern sääʹm-musiikk.

Sääʹm-musikk-kõõskõs jääʹrjast sääʹm-musiikk mättʼtõõzz, taʹrjjad pääiʹǩ sääʹm musiikk puuʹtʼtõʹsse, veekk ooudâs sääʹm musikksilttõõzz da jääʹrjast sääʹm-musiikk konseeʹrtid di jeeʹres šõddmõõžžid tuejjeeʹl sääʹm-musiikk tobddsen. Vooudlaž vuälladvuõtt, vuässâttmõš da sääʹm-musiʹǩǩe vuällamvuõtt lie kõskksââʹjest sääʹm-musikk-kõõskõõzz toiʹmmjummšest.

Musikkšõddmõõžž da konseeʹrt sääʹmvuuʹdest da tõn åålǥpeäʹlnn taʹrjjee säʹmmlaid vueiʹttemvuõđ naaudčed musikk-kulttuurstes da nuuʹbb peäʹlnn õõuʹdee sääʹmkulttuur tobddmõõžž da teâttmõõžž lââʹzztummuž väʹlddmeer seʹst. Lââʹssen konseeʹrt da šõddmõõžž vieʹǩǩte sääʹmartiisti kreevsõs tuej da puuʹtʼtõõzz juâkkmõõžž.

Miârkteei eeǥǥlaž šõddmõš lij Aanrest påʹrǧǧmannust jäʹrjstum alggmeerai musikkfestivaal Ijahis idja. Sääʹm-musikk-kõõskõõzz plaanni toiʹmmai šõddmõõžž puuʹtʼteeʹjen da kõõskõs muđoi juʹn lij kõskkroolâst šõddmõõžž jäʹrjstummšest.

Sääʹm-musikk-kõõskõs lij Sääʹmkulttuurkõõskõs Sajoozz aktiivlaž toiʹmmjeei. Sajos taʹrjjad fiin raamid Sääʹm-musikk-kõõskõõzz toiʹmmjummša. Sääʹm-musikk-kõõskõs jääʹrjast Sajoozzâst konseeʹrtid da jeeʹres musiʹǩǩe kuulli šõddmõõžžid.

Sääʹmteeʹǧǧ halltõõzz eeǥǥlanji priimmâm tåimmplaan oʹhjjad Sääʹm-musikk-kõõskõõzz toiʹmmjummuž da toiʹmmjummuž teäggat Mättʼtõs- da kulttuurministeria.

Vääʹld õhttvuõđ

Oula Guttorm

Plaaneei, Sääʹm-musikk-kõõskõs