Nuõrid
Sääʹmteeʹǧǧ vuâlaž nuõrisuåvtõs tueʹjjad Sääʹmteeʹǧǧ nuõripoliittlaž tåimmjummuž. Nuõrisuåvtõõzz väʹlddtuâjjan lij viikkâd ooudårra sääʹmnuõri ǩiõlʼlaž da kulttuursaž vuõiggâdvuõđid veeʹzz Lääʹddjânnmest da raaveed sääʹmnuõri kuullâmvuõđ sääʹmkulttuuʹre. Poliittlaž tåimmjummuž lââʹssen Nuõrisuåvtõs lij mieʹldd haʹŋǩǩõõzzin, kook smeʹllkâʹtte sääʹmnuõrid ââʹnned sääʹmǩiõl di raavee sääʹmnuõri identiteeʹtt ouddmiârkkân nuõrituâj pääiʹǩ. Lââʹssen Nuõrisuåvtõs juâkk teâđaid nuõrid siʹjjid kuõskki aaʹššin.
Nuõrisuåvtõs valmštââll Sääʹmteeʹǧǧ ciâlklmid, aalǥtõõzzid da jeeʹres peäʹlestvälddmõõžžid, kook kueʹsǩǩe sääʹmnuõrid leʹbe sääʹmnuõri jieʹllemåårrmõõžžid.
Teâtt- da vuäʹpstõs-seiddõs
Seeidain käunnʼje teâđ nuõrisuåvtõõzz tåimmjummšest, sääʹmnuõri teâtt- da vuäʹpstõskääzzkõõzz da videobloog. Nuõrisuåvtõs lij raajjâm staaʹnes sââʹj raʹvvjõõzz sääʹmnuõrid da juâkk seeidain teâđaid jm. seksuaal- da miõlltiõrvâsvuõttaaʹššin pukin Lääʹddjânnmest mainstem sääʹmǩiõlin.
